शिवशंभोन पटकावला मोहोळची दहीहांड़ी फोडण्याचा मान

मोहोळ: (प्रभाकर बावधनकर)

मोहोळ शहर मध्यवर्ती दहीहंडी उत्सव समिती व मोहोळचे प्रथम नगराध्यक्ष रमेश बारसकर यांच्या संकल्पनेतून आयोजित करण्यात आलेल्या दहीहंडी सोहळ्यामध्ये बारामतीच्या शिवशंभो गोविंदा पथक या संघाने दहीहंडी फोडून 1 लाख 11 हजार 111 रुपयाचे पारितोषिक व चषक पटकावले.

तर द्वितीय क्रमांकाचे पारितोषिक बारामतीच्या भैरवनाथ संघाने पटकावले त्या संघाला 77 हजार 777 रुपये व चषक देण्यात आला. या स्पर्धेमध्ये मुंबई येथील साईलीला महिलांचा गोविंदा संघ ही सहभागी झाला होता. त्या संघाला 55 हजार 555 रुपये व चषक देऊन सन्मानित करण्यात आले.

मोहोळ पोलीस स्टेशनचे पोलीस निरीक्षक विनोद घुगे यांच्या शुभहस्ते विजेत्या संघला पारितोषक व चषक देऊन सन्मानित करण्यात आले.

मोहोळचे प्रथम नगराध्यक्ष रमेश बारसकर यांच्या वतीने मोहोळ नगरपरिषद कार्यालय समोर या भव्य दहीहंडी उत्सव सोहळ्याचे आयोजन करण्यात आले होते.

*या सोहळ्याला मोहोळ विधानसभा मतदारसंघाचे माजी आमदार रमेश कदम यांनी व्हिडिओ कॉलच्या माध्यमातून उपस्थितीना गोविंदा पथक व नागरिकांना शुभेच्छा दिल्या व रमेश बारसकर यांनी केलेल्या या उपक्रमाचे कौतुक केले*.सदर दहीहंडीमध्ये डि जे,लेझर लाईट शो,फायर फाटका,भव्य स्टेज आदीमुळे कार्यक्रमाची भव्यता दिसून येत होती. कार्यक्रमाचे सूत्रसंचालन सोलापूरच्या सुप्रसिद्ध निवेदिका श्वेता हुल्ले व ज्योती क्रांती परिषदेचे प्रदेश प्रवक्ते शिलवंत क्षिरसागर यांनी केले.

हा दहीहंडी उत्सव सोहळा पाहण्यासाठी मोहोळ शहर व तालुक्यातील ग्रामीण भागातून युवक व महिला भगिनी अबालवृद्धांनी अफाट स्वरूपाची गर्दी केली होती.