धनगर आरक्षण आंदोलनाला जिल्हाधिकारी व पोलिस अधिक्षक यांची उपोषण मागे घेण्यासाठी भेट, उपोषणकर्ते मागणीवर ठाम. उद्या दू. 12 पर्यंत बारामती बंद राहणार

उद्या बारामती बंद दुपारी १२ वाजेपर्यंत राहणार असून व्यापारी महासंघ व आंदोलनकर्ते यांचे आवाहन

बारामती:- (महाराज्य टाईम्स) बारामतीत गेली सात दिवसापासून धनगर आरक्षणासाठी आमरण उपोषणाला बसलेल्या चंद्रकांत वाघमोडे यांना पाठिंबा देण्यासाठी समाज बांधव मोठ्या संख्येने उपस्थित होत असून गावातून रॅली काढून पाठिंबा देण्यात आला प्रशासन भवन, बारामती समोर चालू असलेल्या उपोषणाला धनगर आरक्षणासाठी प्रशासकीय भवन बारामती येथे सुरु असलेल्या आमरण उपोषणाला महिलांचा भाऊबीज करुन पाठिंबा देण्यात आला, उपोषण कर्त्याची दखल तात्काळ न घेतल्यास उद्या दि. 16/11/2023 ला बारामती बंद करण्याचा इशारा देण्यात आला होता यावेळी पुणे जिल्हाधिकारी डॉ राजेश देशमुख व पोलीस अधीक्षक अंकित गोयल पुणे ग्रामीण यांनी उपोषण स्थळी भेट देऊन उपोषणकर्ते चंद्रकांत वाघमोडे यांच्याशी चर्चा करून आम्ही शासनाच्या वतीने आलो आहोत आपण उपोषण सोडावे अशी विनंती करण्यात आली.

    यावेळी बऱ्याच वेळ समजाविण्याचा प्रयत्न केला परंतु उपोषणकर्ते चंद्रकांत वाघमोडे हे आपल्या भूमिकेवर ठाम होते, त्यांनी हात जोडून जिल्हाधिकारी व पोलीस अधिक्षक यांना विनंती केली की मी माझ्या भूमिकेवर ठाम आहे, जो पर्यंत मुख्यमंत्री धनगर आरक्षणावर निर्णय घेत नाही व त्यांनी अथवा त्यांचे प्रतिनिधी म्हणून त्यांचा मुलगा श्रीकांत शिंदे यांच्याशी प्रत्यक्ष चर्चा होत नाही तोपर्यंत चालू असलेले आमरण उपोषण सुरूच ठेवणार असल्याचे यावेळी सांगण्यात आले.

" बारामती व्यापारी महासंघाच्या वतीने संध्याकाळी धनगर आरक्षण आंदोलनाला पाठिंबा देण्यासाठी प्रत्यक्ष जाऊन भेट घेण्यात आली. पदाधिकाऱ्यांकडून उद्या बारामती बंद च्या मागणीला समर्थन देण्यात आले. पण सध्या दिवाळी सणाचा उद्या शेवटचा दिवस असल्याने व्यापारी मंडळींनी दुपारी १२ वाजेपर्यंत दुकाने बंद ठेवून आंदोलनाला पाठिंबा दर्शविला आहे. त्यामुळे सर्व दुकानदार व ग्राहकांनी दुपारी १२ वाजेपर्यंत दुकाने बंद राहतील याची नोंद घ्यावी असे आवाहन व्यापारी महासंघाचे पदाधिकारी नरेंद्र गुजराथी यांनी केले आहे. आंदोलनाला भेट देण्यासाठी जगदीश पंजाबी, संभाजी किर्वे, नरेंद्र गुजराथी व इतर पदाधिकारी उपस्थित होते. "